البحث عن عمل
البحث عن شغل الايام دي بقي كتير،وخاصة مع ارتفاع الاسعار وارتفاع نسبه البطاله ، كتير من الشباب بيلجأ للسفر حتي، لكن فيه كتير مش عايز يسافر خصوصا لو خريج جديد، نتيجه لده ناس فكروا يعملوا مكان متخصص لعرض الوظايف ،يعني الشركات او اي مكان محتاج موظف بيروحلهم، ويعرض طلب وظيفة كذا وكذا وبكدة عرفنا ازاي جات الوظايف للمواقع دي، فلو تعبت وانت بتدور علي شغل وكل شويه اعلان هناك واعلان هنا وتعبت من البحث هنا هقدملك المواقع دي متخصصة للبحث عن وظيفة في مصر لو كنت بتشتغل في مجال هتلقي بحثك وهتلقي كتير من الفرص هكتبلكم المواقع ولينكاتها، دوس بس علي اسم الموقع وانت هتروح
مباشر عليه .
_موقع شغلني
كل اللي هتعمله هتدوس علي اسم الموقع هتسجل علي الموقع ،بعدين هتدخل تكتب محافظتك والمسمي الوظيفي اللي بتدور عليه وتقدر تسجل عليه وتعمل متابعه وهيجيلك الوظائف الجديدة،كل يوم وظايف بتجدد فلو ملقتش النهاردة اكيد هتلقي اليوم التاني.
موقع وظايف
الموقع ده عليه اكتر من نص مليون وظيفة يعني اكيد هتلقي وظيفه عليه في مجالك وعليه قاعدة بيانات لناس عايزة عماله عندهم او موظفين في شركاتهم ن فيه وظايف في مصر والامارات والسعوديه عموما شلمل الشرق الاوسط كله ‘عليه وظايف تعليم وصحه وزراع وصناعه وماليه وقانون وصحافة وتربيه وتعليم ،اعمل سيره ذاتيه ودخلها ولو حاجه مناسب ليك هتلاقيها،بردو دوس علي اسم الموقع ادخل وسجل وابحث عن اللي يناسبك.
موقع فرصنا
الموقع ده بيقول علي نفسه انه رقم واحد في مصر، طيب ليه متدخلش تشوفه وعلي فكره عليه وظايف كتييييره جدا واكيد هتلقي اللي عايزة، عليه جميع محافظات مصر وشغل في مجالات كتيره الهندسه والمحاسبه والتسويق والصناعه والزراعه،والتربيه والتعليم ووظائف ،ماليه وقانونيه،وخدمات ،واتصالات وتكنولوجيا ،يعني من الاخر شامل ممكن تزور الموقع بنفسك دو سعلي اسم الموقع هتوصل مباشر ليه.
جواب توظيف
من المواقع بردو اللي عليها وظايف كتيرة وبيجدد حوالي 200 وظيفة يوميا من مجالات مختلفة ،زي اللي فوق بردو هتسجل الدخول وتختار الدوله والمحافظة اللي عايز تشتغل فيها وهتلاقي كتير عليها.
موقع تنقيب
من المواقع الرائدة في المجال ده يعني لو بتدور علي شغل في مصر شغل بره مصر هتلقي هنا في الموقع ده سجل الدوله اللي انت عايز تشتغل فيها
كمان موقع تقيب هتلقي ليه مواقع عالفيس كتيره بس دوس علي اسم الموقع ولو هتدور علي الفيس اكتب تنقيب في بحث الفيس وهيطلع صفحات تنقيب المختلفة،فيه جروبات باسم الدول العربيه المختلفه وجروبات متخصصه للمجالات زي الهندسه والمحاسبه والصحه والتربيه والتعليم.
دي مجموعه اشهر المواقع للبحث عن الوظائف في مص بجوار المواقع اللي كتبتها في المقال دهافضل 4 مواقع للبحث عن وظيفة اون لاين.
بس خلي بالك من الحاجات دي.
اعداد سيره ذاتيه جيده
اي وظيفه فيها رسوم ابعد عنها .
قبل ماتقدم للوظيفة اعرف اسم الشركة وابحث عن اسمها عالنت،يعني متمشيش من دماغك كده شفت الوظيفه انا رايح لازم،تتاكد من الشركة وسمعتها وياريت لو تسأل عليها علي مواقع التواصل .
لو انتي بنت لما تروحي تقدمي لوظيفه يفضل متروحيش لوحدك
انا بقدم دي نصايح عامة من منظوري لو حد مختلف معايا عادي وبالتوفيق للجميع باذن الله .
لو عجبك شارك المقال علي مواقع التواصل من خلال ايقوناتهم بالاسفل دوس عليها وشارك دعم لينا .
تعليقات
إرسال تعليق